Билгийн тооллын XVII дугаар жарны “Элдэв эрдэнэт” хэмээх Модон могой жилийн сар шинийн босгон дээр мал аж ахуйн салбар гаргасан амжилтаараа Хэрлэн сумын 1 дүгээр багийн малчин И.Баатарсүрэн, С.Зэсэм нар нь “Аймгийн аварга малчин өрх”-өөр тодорлоо.
Аймгийн “Аварга малчин өрх”-ийн шагналыг аймгийн Засаг даргын орлогч Ч.Ганбат, Хэрлэн сумын Засаг дарга бөгөөд Чойбалсан хотын захирагч С.Мөнхжаргал нар малчны хотонд нь хүндэтгэл үзүүлэн гардууллаа.
Аймгийн аварга малчин болсон И.Баатарсүрэн, С.Зэсэм нар мал аж ахуйн салбарт 17 жил ажиллах хугацаандаа малын чанараа сайжруулж, нийгмийн хариуцлагын хүрээнд 3 малчныг малжуулсан байна.
