Хэрлэн суманд үйл ажиллагаа явуулж байгаа авто зам, замын байгууламж барих, арчлах, засварлах болон барилга угсралт, засвар үйлчилгээний чиглэлээр үйл ажиллагаа явуулж байгаа аж ахуй нэгж, байгууллагуудын төлөөллүүдтэй сумын Засаг даргын орлогч Д.Ганбаяр уулзалт хийлээ.
Тус уулзалтаар барилга барих, засварлах, авто зам, замын тохижилтын ажил гүйцэтгэх үед, гарсан суурийн шороо, барилгын хог хаягдлыг тухай бүр ачиж тээвэрлэх, хотыг цаг тутам өнгө үзэмжтэй байлгах тал дээр анхаарах, аль болох иргэдийн зорчих хөдөлгөөнд саад болохгүй үйл ажиллагаагаа явуулах, Чойбалсан хотын хашаа хайсны журмыг хэрэгжүүлэх, сумын Засаг даргын 01, 02 албан даалгаварын хэрэгжилтийг хангаж ажиллах зэрэг үүрэг, чиглэлийг өглөө. Мөн ААН байгууллагуудын санал хүсэлтийг сонсож, санал солилцлоо.
